Video narration
Kya aaina sachmuch aapka chehra banata hai? Nahin, aaina us tak pahunchi roshni ko lautata hai. Chehre se aaine tak pahunchi roshni, aaine se takrakar aapki aankhon tak lautti hai. Is lautne ko prakash ka paravartan kehte hain. Aaine se takrane wale bindu par satah ke lamb khinchi gayi seedhi rekha sochiye. Isi rekha ke sapeksh aane wali kiran ka aapatan kon aur lautne wali kiran ka paravartan kon barabar hote hain. Kon aaine ki satah se nahin, is lamb rekha se maape jaate hain. Isi niyambaddh disha mein lautti roshni aankhon tak pahunchti hai. Isliye chehra aapko aaine ke peeche dikhai deta hai, wahan asli chehra nahin, keval uska pratibimb dikhai deta hai. To agli baar aaine mein chehra dekhte samay yaad rakhiye: aaina chehra nahin banata; chehre se aayi roshni aaine se paravartit hokar aapki aankhon tak pahunchti hai.